الناس اللي بتدرس –> طلبة كليات تجاره أو الناس اللي بتذاكر ال CMA

طبعا الكلام ده ينطبق على السهل بالنسبالك قبل الصعب ، بس عامة لما تلاقي حته رخمه ومش قادر تذاكرها إفهم سببها ايه؟ هيا بتتعمل ليه اساسا؟ لو وصلت لسبب واقنعت نفسك بيه (وزي ما بيقولوا اذا عرف السبب بطل العجب) ، ساعتها حتفهمها وحتثبت معاك وحيبقى صعب تنساها بعد كده 🙋‍♂️🙋‍♂️🙋‍♂️

نفس الكلام تقدر تطبقه في شغلك –> بتعمل الشغل اللي في ايدك ده ليه؟

وعلاقة الشغلانه دي باللي قبلها واللي بعدها في ال process كلها ايه؟

وبيحقق ايه في الهدف العام بتاع القسم كله وبالتالي للشركه ككل؟

لانك برضه لو اقتنعت بوظيفتك وبالشغلانه اللي بتعملها (سواء حتعملها مره واحده أو روتينيه متكرره) حتقدر تعملها بنفس راضيه ، وحتدي فيها اكتر ، والاهم ان لو في مساحه للاضافه والابداع حتحققها بسهوله ومن غير تعب 👨‍🎨👨‍🎨👨‍🎨

وبالتالي الساده مديري الحسابات والمدييرين الماليين دوركم مهم اوي في الجزئيه دي:

فهم الناس واقنعهم بسبب الشغل اللي بيعملوه ، وبأهميته👨‍💼👨‍💼👨‍💼

اللي فاهم بيستريح وبيفكر وبيبدع وبيشتغل بنفس ، اللي مش فاهم بيعمل وخلاص وبيتمني الشغلانه تخلص او متنطلبش منه تاني لان دمها تقيل على قلبه