بعض الناس بتسمي المرحله دي احباط (لا قدر الله)

عامة الموضوع نسبي من شخص للتاني

المهم اللي بيمر بالمرحله دي في اي وقت من المذاكره يبقى عارف كويس ان كل الناس عدت بنفس الظروف ونفس طريقة التفكير … انا كمان حصلي الموضوع ده كتير لما كنت بذاكر ال CMA … وبصفه عامه كلنا بيبقى عندنا downtime مؤقت في اي حاجه بنعملها في حياتنا

المهم اننا نعدي المرحله دي بأي طريقه … ونبقى مقررين ان طالما بدأنا مينفعش نضيع اللي وصلناله ونرجع السكه بضهرنا  …. be positive and keep it up

لازم نعيش ب concept ان الحياه مش سهله … ولو ان الموضوع سهل كانت الحياه فقدت لذتها واللي بنعمله فقد أهميته

دايما بنصح الناس اللي بتمر بالمرحل دي …

1- وقف مذاكره وابعد تماما عن الكتب والورق والفيديوهات والاسئله وكل ده

2- وخد break يومين تلاته اربعه علي حسب حاجتك …

3- اعمل اي حاجه تانيه بتحبها … يا ريت تكون حاجه physical اكتر من mental يعني مثلا رياضه .. سفر .. movie nights .. concert .. shopping .. اي حاجه ملهاش علاقه بالمذاكره … يعني من الاخر اعمل restart to your brain وارجع تاني كمل … ابدأ براحه وشد واحده واحده

المهم ان انت اللي تسيطر على التفكير ده ومتخليش المرحله دي تسيطر عليك وعلى تفكيرك وعلى قرارك

وخلي في بالك ان كل الناس بتعدي بالمرحله دي المهم ان انت كمان تعدي منها ومتوقفش عندها