بالنسبه لمشكلة الانجليزي عند بعض الناس:

يعني الناس اللي معندهاش مشكلة لغه تعدي الكام نقطه دي

1- المطلوب الاساس او ال basic  اللي اشتغلنا عليه لحد الثانوي شغال جدا

2- الامتحان مش اساسه امتحان لغه وgrammar وvocabulary يعني المهم تكون بتقرا وتفهم وتقدر تفهم اللي قدامك الفكره اللي عندك 

3- اللي دايما يهمنا اننا نحتفظ بال keyword بتاع اي موضوع والمعني اللي حواليها منغيرش فيه ايا كان الاسلوب المهم المهم ال keyword نفسها ودي بتعرفها مع متابعتك الكورس وبتتدرب ازاي تطلعها

4- خليك فاهم ان في مصطلحات كتير بتتكرر خلال المنهج فمش محتاج تقلق اوي من موضوع اللغه انها مصطلحات كتيره وضخمه وتخلي الموضوع دا عائق قدامك

ودي شوية افكار تساعدك تتغلب على موضوع صعوبة اللغه:

1- كل كلمه جديده تعجبك او تشدك او تحس انها مهمه دور على معناها واكتبها في اخر ال notebook اللي بتذاكر فيه مثلا ، بس خلي بالك مش كلمه متعرفهاش تترجمها وخلاص او بمعني تاني مش كل كلمه في المنهج انت مطالب بترجمتها عشان حتضيع وقتك لو عملت كده

2- في glossary الناس بتعمله والمعهد عامل واحد برضه وموجود في الماتريال ممكن يفيدك ، بس تاني متضيعش وقت تقعد تحفظ كلمات ورا بعض وخلاص

3- ممكن تشوف قناه حلوه على ال YouTube تساعدك تحسن من نفسك في اللغه وانت بتذاكر ، على اي حال اللغه بصفه عامه مهمه للحياه العمليه ، بس برضه متركزش في موضوع اللغه وتنسي مذاكرة ال CMA

اوعى تقعد تترجم المنهج كلمه كلمه حتضيع وقت على الفاضي المهم المعني والمضمون مش مهم مطلوب منك ترجمه حرفيه لكلمه كلمه تقابلها ، زي ما قولت قبل كده المهم تفهم وتفهم الناس اللي انت محتاج تقوله