CMA إستراتيجيات الحل في إمتحان ال

ا͟س͟ت͟ر͟ا͟ي͟ج͟ي͟ات ͟مهمه ͟ف͟ي͟ ͟ا͟د͟ا͟ر͟ة͟ ͟ا͟ل͟و͟ق͟ت͟ ͟و͟ح͟ل͟ ͟ا͟ل͟ا͟س͟ئ͟ل͟ه͟ ͟ف͟ي͟ ͟ا͟ل͟ا͟م͟ت͟ح͟ا͟ن͟:

1- مهم اوي التركيز والبعد عن القلق والتوتر والخوف … دي نقطه مهمه جدا ولازم الناس تتمرن عليها قبل الامتحان —-> انك في وقت الامتحان تبعد اي تفكير في اي موضوع تاني حتي نتيجة الامتحان والشهاده والكلام ده —–> يكون تركيزك على الاسئله والاجابات وبس …… لما تخلص الامتحان ابقي فكر في النتيجه والشهاده واي حاجه تانيه انت عاوزها

💙💙💙💙💙💙💙💙💙💙

2- وانت داخل حيحصل تفتيش وحياخدوا كل حاجه معاك وتحطها في locker خاص بيك حتي لو معاك مناديل او ميه او لبان علشان التوتر او اي حاجه ايا كانت … اعتقد الكام حاجه اللي حيسمحولك تخش بيهم ساعة اليد – الاله الحاسبه (نسيت الاله الحاسبه مش مشكله ان شاء الله عندهم الات كتير زياده) – الورق الفاضي اللي همه حيدهولك – قلم رصاص …… المهم —–> حيقولك ارجع خطوه ورا عشان الكاميرا ومعرفش ايه … دي اجراءات مفروضه عليهم وعليك بناءا على سياسة ال Prometric

بص —-> في الحته دي سيب نفسك خالص ومتركزش معاهم ومتقاوحهمش وخليك جاهز للكلام ده ومستعد له … ليه؟ —–> علشان متشدش اعصابك على الفاضي وتضيع تركيزك في امور فرعيه ملهاش لازمه

💙💙💙💙💙💙💙💙💙💙

3- اول ما بتشغل الشاشه بيبقي فيه ربع ساعه على ما اذكر برومو عن شاشة الامتحان …. متفوتش الربع ساعه دي خلي الشاشه شغاله —-> الوقت ده مش من وقت الامتحان وممكن تستفاد بيه … في ايه بقى؟ —–> اول ما بتخش وبتقعد انت لسه دماغك فريش ومش مضغوطه خصوصا انك لسه مشوفتش الأسئله …. فتقدر تكتب في الورقه اللي ادوهالك —-> اخر حاجه كنت بتراجعها قبل ما تخش وخايف تنساها … معادله …. نقط معينه ورا بعض …. بالنسبه لبارت تو ناس كتير اول ما بتدخل بتكتب مثلا ال ethics كلها قبل ما تنساها …. جمله خايف تنساها …. مجموعة جمل …… keywords …. اي حاجه تفكرك بأي معلومه تكون خايف تنساها …. ياكش يا رب تكتب صفحه او صفحتين اللي ربنا يقدرك عليه تكتبه وخايف تنساه في زحمة الامتحان وحاسس انك معلقه في مخك بخيط رفيع وخايف ينقطع …. المهم تكتب الكلام ده وقت البرومو ده ———–> بخط واضح ومنظم عشان تعرف تلاقيه بعدين لما تدور عليه

💙💙💙💙💙💙💙💙💙💙

4- في استراتيجيه كويسه في ال MCQs:

حنقسم ال 100 سؤال الاختياري على مراحل:

اول مرحله: حل الاول وبسرعه الاسئله القصيره والسهله واللي انت متأكد منها ، يعني تكون سطر سطر ونص سطرين بالكتير ، نظري او فيها رقم لتلات ارقام بالكتير 

اي سؤال تاني فيه سطور كتير أو ارقام كتير مش مهم سهل ولا صعب المهم سؤال طويل نسبيا …… سيبه … ومش محتاج تعمل مارك زي زمان كده كده السؤال اللي بتحله لونه بيتغير واللي مش بتحله مبيغيرش لونه فحيبان بعد كده في ليستة ارقام الاسئله على الشمال ايه اللي اتحل وايه اللي لسه

المرحله التانيه: تاني لفه ابدأ حل الاسئله الطويله (اللي انت كنت سايبها) والسهله وسيب الباقي تاني (يعني بالبلدي او ما تحس السؤال فيه ارقام كتير برضه ومجعلص معاك سيبه على طول)

المرحله التالته: تالت لفه الاسئله الطويله والاصعب —–> دي محتاجه تركيز شويه ومجهود اكبر يا ريت تفصل قبلها ثواني —–> ودا طبيعي لان كل اللي وقف معاك قبل كده سبته ومحتاج بقى تركز معاه ——> وكمان لما بتحل اسئله كتير في الاول اللي هيا القصيره والسهل وبعدين الطويله والسهله لحد ما بتوصل المرحله الثالثه بتكون قدرت تفهم انت حليت كام سؤال في وقت قد ايه وفاضلك كام سؤال وفاضلك وقت قد ايه —-> بس برضه متضيعش وقت اكتر من ثواني في الحسبه دي عشان متضيعش وقتك وعشان متربككش يعني خلي عينك عليها بس من باب العلم بالشئ

المرحله الرابعه: رابع لفه ممكن يفضل معاك سؤالين تلاته معندكش اي فكره عنهم

لو فاضل ثواني مثلا ساعتها اضربهم اي حاجه

ا͟ل͟م͟ه͟م͟ متسيبش ولا سؤال

في الايساي وال MCQ

💙💙💙💙💙💙💙💙💙💙

5- متبدأش تقرأ المعطيات في الاول خصوصا في الاسئله الطويله …..

اقرا المطلوب الاول اللي هوه عادة في ال MCQ من النقطه او الفاصله قبل الاخيره للنقطه او الفاصله اللاخيره … طب مفهمتش المطلوب ارجع نقطه او فاصله كمان … برضه عادة قبل الاختيارات على طول … المهم انك تقرا المطلوب الاول

—-> علشان لما تقرأ المعطيات تبقي فاهم هوه محتاج ايه تاخده معاك علي جنب وتسيب المعلومات الزياده اللي ملهاش لازمه واللي حاططها هوه زياده —> لان المعلومات الزياده دي ممكن تضيع الوقت

💙💙💙💙💙💙💙💙💙💙

6- ا̳ل̳أ̳ي̳س̳ا̳ي̳ برضه من رأيي اقرا الأسئله الاول —–> عشان تفهم المطلوب وانت بتقرا المعطيات بعد كده اكتب على جنب في الورقه الملاحظات المهمه للاجابه المطلوبه بناءا على الاسئله اللي قريتها قبل كده ……

– اوعي تسيب ولا نقطه

– ونظم اجابتك في نقط تحت بعض

– واكسب وقت برضه يعني متكتبش رأس السؤال تاني

– مثلا ممكن تكتب رقمه وشرطه وتحل وتحت بعض (زي ما انا عامل هنا كده عي سبيل المثال وطبعا كله English)

– متسيحش الاجابه علي بعض

💙💙💙💙💙💙💙💙💙💙

7- حسيت انك مضغوط واعصابك مشدوده وانت في نص الامتحان مثلا من كتر التفكير والسرعه والحل ونفسيا مش تمام

ا͟ف͟ص͟ل͟

خد ثواني كده غمض عينك وارفع راسك ومتبصش علي الشاشه وافصل

ثواني بس

ولو لسه كرر المحاوله

لمدة ثواني

💙💙💙💙💙💙💙💙💙💙

8- واهم نقطه تاني …. اهدا اهدا وخليلك ريلاكس بعيد عن القلق والخوف والتوتر

دي نقطه مهمه وبتربك ناس كتير وبيبقوا عارفين الحل ومذاكرينه ومش عارفين يحلوا بسبب الخوف والقلق

💙💙💙💙💙💙💙💙💙💙