مسموح التقدم للطلبه المتوفر فيهم الشروط التاليه:

1-  طلبة بكالوريوس أو دبلومات أو ماجستير أو دكتواره

2- في حدود 10 طلبه من حقهم الترشح للمنحه في كل سنه دراسيه من خلال الجامعه أو الكليه التابعين لها (ممكن كل واحد يقدم لوحده بس برضه في النهايه التنسيق لازم يتم مع الكليه لأن التقديم بيكون من خلال الكليه)

3- كل الطلبه لازم يتم ترشيحهم من خلال دكتور في الكليه

المنحه بتشمل الآتي:

1- رسوم دخول برنامج شهادة ال CMA

2- Exam support package وده عباره عن اسئلة ال Retired اللي بيقدمها المعهد مع قاموس بالكلمات والمصطلحات بتاعت الشهاده

3- رسوم دخول كل بارت في امتحانات الشهاده (همه 2 بارت) ولكن لا يشمل رسوم الاعاده لا قدر الله

4- عضوية الامتحان لمدة 3 سنوات اللي هيا الفتره المسموح بيها لأي دراس انه يخلص الشهاده خلالها (دي بيدوها سنويه وتجدد عن طريقهم كل سنه)

يعني خلاصة الكلام المنحه تشمل كل المصروفات مجانا

الأبليكشن بتاعت التقديم:

1- ابليكشن طلبة الجامعه

2- أبليكشن طلبة الدكتوراه والماجستير

ومينفعش حد يقدم لنفسه لازم يكون من خلال دكتور في الجامعه

وكمان مينفعش تملا الأبليكشن كتابة هوه مكتوب كده لازم تطبع على الفورم حتلاقي الكلام ده موجود في ديل كل صفحه من صفحات الأبليكشن

مواعيد التقديم:

الأبليكشن بتقول ان تاريخ تقديم الأبليكشن من سبتمبر الى يونيو من كل سنه مع شرط ان اللي يتقبل في المنحه لازم يفعل اشتراكه خلال اسبوعين من تاريخ قبوله في المنحه وطبعا التفعيل بيكون بناءا على أميل من المعهد ليك وفيه خطوات التفعيل دي

عناوين المراسلات:

بالنسبه للدارسين العرب (شرق اوسط وافريقيا) اضغط على العنوان ده:

Middle East/Africa – rmalhotra@imanet.org

ولو في أي سؤال عندك بخصوص المنحه سواء معلومه مقولتهاش او معلومه انا قولتها ومش واضحه بالنسبالك اضغط على العنوان ده:

CMAScholarship@imanet.org

طبعا الأفضل دايما انك تسأل المعهد نفسه عشان هوه المصدر الأساسي دايماً للمعلومه بدل ما حد يفتي ويخليك تعمل حاجه مش صح 

وده فلاير المعهد عن المنحه:

وده لينك بوست تاني عن المنحه موجود هنا

وبرضه لينك صفحة المعهد عن المنحه