طبعا التأهيل والاستعداد النفسي مهمين جدا للمذاكره يعني تبقى جاهز نفسيا وقاعد في مكان مخصص و مناسب للمذاكره ، إناره مناسبه ، انا عن نفسي احب الهدوء في ناس تحب تسمع مزيكا وهيا بتذاكر ، اعمل الجو المناسب ليك شخصيا ويأهلك للتركيز في المذاكره ، نيجي بقى لشوية نصايح بخصوص المذاكره

1- اسمع الفيديو

2- وانت بتسمع خد ملاحظات سواء على الهاند اوت بتاعة اليونت اللي طبعتها او في ورق او اجنده خارجيه حسب راحتك النفسيه

بالنسبه لل handouts ذاكر منها براحتك مش محتاج جنبها كتب تذاكر منها زي جلايم او هوك الا لو حابب تقرا وتتدرب على الانجلي

زي او توسع معلوماتك او اي سبب بس لو حبيت تعتمد على ال handouts بس ان شاء الله حتكون كافيه ولامه المنهج كله.

3- وانت بتكتب اكتب باسلوبك بالانجليزي ايا كان عاوزين نحسن اللغه واحنا شغالين حتقدر تراجع الكلام ده بعد كده وانت بتقرا الورق مش مهم ال grammar والكلام ده المهم استخدم اسلوبك وتكون فاهم كويس بتسمع ايه وبتكتب ايه

المذاكره كلها قايمه على الفهم مش الحفظ لو فهمت كويس ودورت على الاسباب واقتنعت المعلومه حتثبت معاك

4- حاول وانت بتكتب لو لاقيت فكره نطت في دماغك تكتبها على الهامش عشان متنسهاش بعد كده ممكن تكون فكره جديده تنفعك وقت المراجعه او سؤال ايا كان ممكن تدورله على حل ليه بعد كده

5- حاول وانت بتكتب تستخدم رسومات توضيحيه او نقط مُرتبه ، لو الفكره واضحه في دماغك احسن ما تكتب كل حاجه في شكل كتاب او باراجراف يبقى ممل ليك في المذاكره بعد كده

6- ابدأ بقى نسق اللي كتبته مع مراجعة الهاند اوتس ولم الاتنين على بعض ، يعني فكره ناقصه هنا او هنا خليهم يكملوا بعض ، في ناس مبتحبش تكتب او بتعتبر التلخيص مضيعه للوقت ، مش مهم متعملش كده اعمل اللي يريحك المهم انك تذاكر ، انا عن نفسي بعتبر الكتابه بتركيز والكتابه مرة اخري برضه بتركيز ده جزء من المذاكره والمعلومه بتثبت في دماغي اكتر لما اكتبها ، عامة تاني وتالت كل واحد ليه اسلوبه دي مجرد افكار خد منها اللي يناسبك وسيب اللي ماينسبكش

7- ذاكر من اللي كتبته سواء من النسخه المنقحه اللي كتبتها بإيدك او من الملاحظات اللي كتبتها على الهانداوتس

8- حل على الجزء اللي ذاكرته