حل على جزء جزء بتذاكره

ودي ملاحظات على موضوع حل الاسئله:

1- يفضل تبدأ تحل من هوك قبل الريتايرد وجلايم عشان معظم اسئلته مباشره والاجابات بتاعه واضحه ومفصله وده كله بيساعد خصوصا في بدايات المذاكره

2- اسئلة ال Software او ال online او ال CD كلها مسميات واحده لحاجه واحده سواء اللي في جلايم او في هوك رأيي بلاش وايلي للاسف قابلني فيه اجابات غلط كتير لعلهم صلحوا الوضع ده دلوقتي وكمان بيعقد الامورشويه ولكن حبيت تحل منه عادي الموضوع كله اراء تختلف من شخص لشخص وانا بنقلك خبرتي ومعلوماتي وانت بتختار منها اللي ينسابك

3- حل الأسئله اللي مصدرها امتحانات CMA سابقه وبيبقى مكتوب في المصدر جنب رقم السؤال اسم المصدر وبيكون كلمة CMA ورقم سيريال للسؤال ده ما علينا منه …. او بيبقى مكتوب اسم ال Publisher اوCPA او CIA وطبعا دي المصادر التانيه …. والمصادر دي يا بتكون اختراعات من ال Publisher عشان بيبقى عاوز يجذب انتباه الطلبه بمستوى عالي من الصعوبه … يا تكون بره ال Scoop علشان CPA و CIA الحتت المشتركه بينهم وبين ال CMA بتكون فيها تفاصيل وتعمق اكبر ، يعني لو قفلت خالص وعاوز تحل كله على الاقل متضيعش وقت كتير في الاسئله اللي مصدرها مش CMA طبعا حاليا اشهر ناشر لسه محتفظ بمصادر الاسئله هوه هوك

4- حيقابلك في حل الاسئله افكار أومعلومات جديده قد تكون على اللي ذاكرته ، وده لانه بيحطلك سؤال في حته هوه مفترض انها موجوده في معلوماتك من قبل كده ، ممكن بقى الفكره او المعلومه الجديده دي لو حسيت انها مهمه ترجع تدخلها في الجزء اللي يخصها  على الملخص بتاعك او الهاند اوتس بتاعتك اللي بتسجل فيها الملاحظات ، فيبقى عندك مصدر واحد لكل معلوماتك للمذاكره وللمراجعه.

5- طبعا وانت بتذاكر بتحل من الاسئله دي على كل جزء ذاكرته ومحتاج ترجع تحل الاسئله دي كلها تاني في المراجعه عشان في الاعاده افاده ، ايه الافاده ؟! لو كنت حليت سؤال ايام المذاكره (قبل المراجعه يعني) فيه فكره جديده او معلومه جديده ونسيتها تفتكرها وانت بتحل في المراجعه

6- حل اسئلة الريتايرد مهمه جدا جدا جنبهوك وجلايم ، واسئلة الريتايرد هيا اسئلة ال Package الصادره من المعهد والناس بتقدر توصلها على موقعهم بعد سداد العضويه ورسوم اشتراك برنامج ال CMA ولكن برضه الاسئله دي منتشره على صفحات كتير

7- خلي بالك متخليش الاسئله مقياس لمستوى مذاكرتك او مهارتك في الفهم على الاقل مع بداية المذاكره لان زي ما قولتلك حيقابلك افكار جديده ومعلومات جديده وطبيعي ان الحاجات الجديده بطبيعتها في البدايه بتبقى صعبه على ما تتعود على طريقة الاسئله بتاعت ال CMA خصوصا الافكار اللي بتبقى لافه ومش مباشره.