نصيحه للناس اللي بتبدأ مذاكره ال CMA
حاول تشد في الجزء الأول من وقت المذاكره >>> بإنك تذاكر أكبر قدر ممكن مع الوقت … أقصد أكبر كميه لو جاز التعبير … مش لازم توقف عند كل كلمه كل سطر وكل معلومه عشان متقضيش وقت كبير في الجزء اللي في الأول ده >>> ومتقلقش السيكشن اللي في الأول عليه 15% من وزن الامتحان والاهم من ده أنك كده كده الجزء ده حترجع تذاكره تاني وتالت ورابع بعدين وانت ماشي في المنهج >>> طب ايه الهدف من كلامي >>> انك تجري شويه في الاول بحيث انك متعطلش كتير لان العطله دي بتخليك تحس انك مذاكر كميه ورق وحجم منهج قليله بتخلي كتير من الناس يحسوا انهم مش بينتجوا او ان انتاجهم ضعيف وده بيؤدي لشوية كسل او لا قدر الله احباط مش مستحب وبالتالي بتقل الدافعيه للاستمرار في المذاكره وان الناس تكمل المنهج لاخره >>> يعني من الاخر في الاول كده شد مساحه على قدر ما تقدر حتي ولو كانت على حساب الجوده مؤقتا لحد ما تمشي شويه وساعتها حتهتم بالجوده وتظبط الحته دي بس تعدي اول مرحله وان شاء الله ربنا المعين
وبالنسبه للناس اللي محتاجه الكورس حتلاقي كورس بارت ون كامل ومحدث في اللينك ده 👇👇👇
جزاك الله الجنه يا طارق نعيم
رائع يا استاذ طارق الله يكرمك
ربنا يجعل دنيتك واخرتك يا استاذ طارق
نـــــعـــــيـــــــم * نـــــــــعـــــــــــيــــــــــــــم
جزاك الله خيرا استاذ طارق حضرتك شايف ان مذاكرة الس ام ايه اكيد هتفيد فى مجال المحاسبة بصرف النظر عن الحصول على الشهادة لظروف مادية ووالايفكر
فى كورسات تانية ارخص فى الماديات افضل زى الماجستير المهنى
حتلاقي معلومات مفيده بخصوص تعليقك ده في الموقع هنا اعمل بحث على كلمة “أهمية الشهاده”
جزاك الله خيرا وجعله الله فى ميزان حسناتك