النظري

الكلام ده مش لدارسي ال CMA بس الكلام ده لكل الطلبه في كل المجالات

أوعى تذاكر او تحاول تحفظ براجراف نظري وفيه دش … زي ما هوه كده !!!

طب اعمل ايه في الوضع ده؟! اولا حتي لو مادة او جزئية حفظ اوعي تحفظ من غير ما تفهم … طب الكتاب والماده العلميه نظريه وفيها كلام كتير ودش –> يبقى

ثانيا استعمل الانترنت لحد ما توصل لرسمه او فيديو يفهمك النقطه دي … وده موضوع المفروض ميخدش منك كتير لاني متوقعش انك تكون مش فاهم كل حاجه في اي حاجه … اكيد بنقف اوي عند حاجات معينه … منقفش بقى عند كل حاجه ونضيع وقتنا … لازم يكون فيه ميزان … المهم … في جوجل وفي يوتيوب من الاخر

طيب فهمنا نحفظ بقى ونصم؟! في كذا طريقه تقدر تدمج بينهم حسب حجم البارجراف واتجاهه وامكانية تشكيله بطريقه تانيه وحتي ممكن حسب موودك (ايوه مزاجكك يعني) المهم انك تفك طلاسم اي براجراف

إزاي؟!!! اولا في طريقة ال Keyword وده معناه انك تركز اوي على الكلمه المفتاح واللي لو اتشالت تغير المعني كله الكلمه المهمه اللي بيدور حواليها الحوار كله (طبعا ممكن تكون اكتر من كلمه مهمه) اركز على الكلمات دي اوي واحفظها كويس وافهم اللي حواليها واحط اللي حواليها بطريقتي ومفهومي بحيث مغيرش المعني ومعظم الدارسين والمدرسين النهارده بيشتغلوا بالطريقه دي اشهرهم Becker

طبعا ال keyword  تقدر تحط تحتطها خط تمركرها تكتبها في هامش الكتاب وطلع سهم منها اعمل فيها اللي انت عاوزه المهم تنور قدامك

ثانيا ارسم الدش النظري اللي قدامك … وفي مليون طريقه علميه ومجربه وفعاله وكل انظمة التعليم الحديثه النهارده بتنصح بيها …. اذكر منها :

1- ال  mind mapsودي في امثله عنها كتير في الجروب …وعلي فكره ممكن ترسمها بإيدك مش محتاج برنامج ولو عجبتك الفكره دور على برنامج على النت

2- ال smart art  بتاع الورد والاكسيل فيه امكانيات رهيبه

3- في دكتور صديقي قبل ما يناقش الدكتوراه كنا بناقش اساليب تعلم حديثه كان من ضمنها انك ممكن ترسم مثلا انسان الي (اه والله زي ما بقولك كده هههه) وتعمل العنوان في راس الانسان الآلي اللي رسمته المزايا في دراعه اليمين العيوب في دراعه الشمال الخصائص في جسمه رجله اليمين اهم التطورات رجله الشمال اهم القوانين واللوائح المرتبطه بالموضوع (دا طبعا مثلا مثلا) وابدعوا بقى في بنانيت تحب ترسم ورد مثلا وتعمل كل ورقه بعنوان معين واحد يرسم عربيه موتوسكيل ابدع بقى … المهم ان الموضوع يعلم في راسك ويسهل عليك انك تستحضر المعلومه بسهوله لما تفتكر مكانها فين في الرسمه … هوه ده الهدف الاساسي

على فكره الكلام ده علمي يا جماعه ومهم جدا والناس بتسمي الطرق دي visualizing لل information العقيمه المرصوصه في سطور تحت بعض لرسمه او صوره مش مهم فنيا تكون رسمه حلوه يعني احنا مش فناين كلنا المهم –< اننا نرتب الافكار ونربطها ببعضها ونعرف نستحضر الافكار والمعلومات بتاعتنا من تاني مرتبه وبسهوله وفي وقت reasonable