CMA 2020 تعديلات منهج ال

تعديلات 2020:

اولا: موضوع ان في تعديلات بتحصل كل 5 سنين نوهنا عنه قبل كده في كتير ما فيش حاجه جديده –> كل الموضوع اني تخيلت انهم حيغيروا مع التغيرات الكبيره في المعايير –> همه اشتغلوا زي الكتاب بتاعهم ما بيقول –> المعايير تغيير جذري غيروا ال LOS 2019 + مرت 5 سنين في 2020 قاموا غيروا ال LOS 2020 

ثانيا: مش عاوز تخش في التعديلات خلاص انجز اللي تقدر عليه السنادي عندك سنه بحالها فيها 3 ويندو لسه

ثالثا: خلصت بارت عادي مكتبولك وحتكمل عليه حسب الوضع الجديد بالمنهج الجديد طالما انت في مهلة ال 3 سنين محدش قال انك حتعيد اللي امتحنته علشان المنهج اتغير ولا حد قال انك لازم يا تمتحن البارتين على قديمه يا تمتحن البارتين على جديده ما فيش حاجه بتقول كده

انسي الجديد خالص لسه قدامنا سنه خلص اللي تقدر تخلصه في 2019 ، خلصت بارت اهلا وسهلا كمل التاني على جديده ، خلصت البارتين يبقى اهلين –> خلصت بارت وفاضلك بارت ايا كان ون او تو حتذاكره بالجديد وينضافلك على القديم عادي جدا –> وتبقي اخدت الشهاده بارت قديم وبارت جديد … انا عدت الكلام بشكل تاني عشان المعني يوصل للناس كلها

رابعا: عادي جدا الناس تطور كل 5 سنين ما هو لو العلم اللي بيدرسهولك متطورش وتناسب مع التغيرات اللي بتحصل ومتطلبات سوق العمل الشهاده حتتجمد في حقبه قديمه ومش حيكون ليها معني ولا عليها طلب ولا سعادتك حتبقي عاوز تدرسها بعد كده (التطور ده سبب من اسباب نجاح الشهاده)

خامسا: نصيحتي اللي يخلص الشهاده بارتين يتابع الجديد ويذاكره لنفسه كلها معلومات وتضيف لرصيدك مش حتضرك بالعكس حتفيدك

انسوا التعديلات سيبوا الكلام ده للانستركتورز اللي بتذاكروا معاهم ينظمولكم الحته دي او لحد ال publishers اللي بتذكروا معاهم –> ما ينزلوا الجديد 

اظن قبل ما يناير يبدأ كنت معدل الفيديوهات والورق وكله معاكم ايه لازمت القلق قبلها بسنه بقى

ذاكر على وضعك الحالي عادي خالص وانسي كل حاجه تانيه لما تبقى تيجي 2020 ان شاء الله ربنا يدينا جميعا الصحه وطولة العمر ساعتها اللي مخلصش بارت حيذاكره على جديده وشكرا على كده

عامة دي التعديلات على صفحة المعهد 

المنهج الجديد في صورة ال LOS:

المنهج الجديد في صورة ال CSO:

ودي برضه صور مختصره عن التعديلات بتاعت 2020 من على موقع المعهد نفسه: