IMA Webinar
Date: 20 August 2018
The Subject: The CMA Exam Essays: Everything You Need to Know
@@@@@@@@@@@@@@@@@@@@@
طبعا اسمعوا الفيديو بالكامل حتستفادوا منه كتير
في ملاحظات زودتها في الفيديو سواء ماركر بالاصفر او ملاحظات مكتوبه بالاحمر … المعهد عامل السلايدات بس عشان تبقوا فاهمين انا زودت ايه – لأمانة النقل
1- أول حاجه الناس اتكلموا عن ليه تبقى CMA – يعني تقدر تقول اهمية الشهاده والكلام في اربع محاور رئيسيه Skills, Knowledge, confidence and salary survey
2- اتكلموا عن ال structure بتاع المنهج في البارتين (Study contents)
3- يعد كده ال structure بتاع الامتحان نفسه كام ساعه والكلام ده
4- اكدوا على ان الويبينار مخصوص عشان اسئلة ال essay وتوضيح بعض النقط الهامه بخصوص ال essays وطرق الحل وطرق التفكير وطرق التنظيم وحتي طريقة توزيع الدرجات طبعا ده اللي حيتكلموا عنه بالتفصيل بعد كده
5- بدؤا يتكلموا عن Prometric واختيار يوم وميعاد الامتحان طبعا بعد التسجيل بالمعهد وكمان نوهوا عن ال test windows المعروفه لينا كلنا يناير فبراير – مايو يونيو – سبتمبر اكتوبر
6- بدؤا يتكلموا في المفيد بقى –< exam strategies التركيز برضه على اربع محاور
Knowledge الناس لازم تذاكر وتراجع كويس ويبقى عندها المعلومه
Confidence بلاش قلق وخوف ولازم يكون في ثقه في النفس وطبيعي لو مذاكر كويس حيكون عندك ثقه بنفسك وانت في الامتحان
Effective time management همه قالوا مهم اوي موضوع ادارة الوقت وقالوا انك لازم تلاقي strategy تظبط بيها وقتك في الامتحان بس مدوش اقتراحات في النقطه دي – دي حبقي اكلمكم عنها بعدين في بوست منفصل بس فكروني الله يكرمكم
7- بالنسبه لل essays بيقولوا مهم جدا جدا اننا نكتب كل الخطوات والافكار المرتبطه بشكل مباشر بإجابة السؤال علشان نقدر نجمع درجات ، حتي لو الاجابه النهائيه غلط انت بتاخد درجات على الخطوات بتاعتك والكلام اللي في النص ودي ميزه موجوده في ال essays مش موجوده في ال MCQs على سبيل المثال
من عندي بقي بعض ال Tips المهمه علشان نجاوب اسئلة ال essays في الامتحان:
* جاوب على قد السؤال متجاوبش حاجه مطلبتش منك علشان مش حتاخد عليها درجات
* عينك على السؤال كله متنساش ان السؤال متقسم لاجزاء (اسئله تانيه يعني) فأوعي تنسي تجاوب على اي سؤال فيهم – همه طبعا قالوا ان في سؤالين essay بس تحت كل سؤال من 3-6 اسئله جزئيه يعني من الاخر مجموع الاسئله الجزئييه في ال essay من 6-12 سؤال
* الهدوء مهم جدا جدا لأن القلق والتوتر بيخليك متعرفش تنظم افكارك ولا تفكر كويس ولا تسحتضر الاجابات ويمكن تكون عارف الاجابه وتضيعها منك (مهم جدا الهدوء والبطئ والتفكير العميق والبعد عن القلق والتوتر والتسرع الزائد)
*طبعا اتكلموا في موضوع اللغه والجرامر والفصله والنقطه انما في رأيي ان المهم هنا حاجتين:
اولا: تكون منظم ومتسيحش اجابتك على بعضها بشكل يتوه المصحح
ثانيا: متغلطش غلطه في spelling او grammar تكون غلطه جسمية تضيع المعني كله لانك لو غيرت المعني حتغير الاجابه من صح لاجابه غلط – يعني اكيد مش اي غلطه حيحاسبوك عليها في اللغه لانه مش امتحان لغه طالما مغيرتش المعني المطلوب منك (على فكره دا كلامي انا مش كلام المعهد) لاني مش عاوزكم تقلقوا وتتوتروا من الموضوع ده – انا كويس في الانجليزي وعارف ومتأكد ان مع السرعه غلط في الكتابه بس برضه عارف ومتأكد ان المعني وصلهم وعارف همه صححولي ازاي
* لو في اكتر من نقطه او خطوه في الاجابه اعملهم في شكل bullet points يعني نقط تحت بعضها افضل من ال paragraphs همه طبعا قالوا الناس ممكن تكتب قطعه على بعضها عادي بس انا بقولكم انهم اكدوا على ان النقط تحت بعض منفصله افضل واوضح للمصحح طبعا ما فيش نقط زي اللي word program بس نقدروا تستعملوا علامة الناقص مثلا واكيد ما فيش امكانيات الورد التانيه زي ال Bold وال italic والكلام ده كله مش موجود ، بس انت تقدر تنظم اجابتك بعلامات ناقص تحت بعضها علشان تفصل استعمل الفصلات اعمل مسافات صح اعمل انتر علشان تعمل فرق بين النقط في مليون طريقه على بساطتها تقدر تنظم اجابتك صح
*متسبش اي سؤال فاضي حط اللي تعرفه حتي لو مش متأكد دا لو احترت خالص علشان تساعد المصحح انه يديك درجات ، والا لو سبتله السؤال فاضي حيديك درجه على ايه ، انما لو كتبت يا حتخبط معاك يا علي الاقل يلاقي حاجه يلتمسلك بيها العذر ويديك درجه ، همه طبعا مقلوش كده بالظبط بس ده المعني ، والكلام ده برضه بخصوص السؤال اللي محيرك وخلاص منتش عارف اجابته او شاكك فيها ، ويمكن همه اكدوا على ان دور المصحح انه يديك درجات مش ياخد منك دلاله على ان المصحح في صفك مش ضدك
*الاجابه لازم تكون بسيطه ومباشره وفي صلب الموضوع
* استعمل الساعه كلها ، يعني مثلا لو خلصت بدري متوقفش ، كمل اقرا الاسئله تاني راجع اجاباتك تاني ممكن تضيف حاجه كانت ناقصه او تصيف حاجه تحسن من الاجابه بتاعتك
* بعد كده بدؤا يشرحوا سؤالين ايساي مش عاوزين نضيق تفكيرنا بقى على ان السؤالين دول مهمين ونسيب كل حاجه تانيه علي اساس ان السؤالين دول حيجوا في الامتحان مثلا (السؤالين يخصوا بارت تو) ممكن يجوا ممكن يجي منهم ممكن ميجوش اصلا ، همه بيشرحوا السؤالين بس علي اساس انك تركز في ال concept بتاع طريقة التفكير وطريقة الحل والنصائح مش في السؤالين نفسهم اسمعول السؤالين واسمعوا طريقة الحل واسمعوا طريقة توزيع الدرجات في اخر كل سؤال وركزوا زي ما قولتكم في فكره الحل مش في فكرة السؤال نفسه وبس