ال OneNote اختـــــــراع عظيم جدا
طبعا دا مش برنامج او ابليكشن جديد ولا حاجه … بس البوست ده للي ميعفرش برنامج الون نوت او عاوز يعرف يوظفه بشكل أمثل ازاي؟ وحتكلم في حاجات مش أساسيه اوي في موضوع التصطيب والاستخدام لان طبعا في فيديوهات كتير على اليوتيوب بتشرح طرق تشغيل واستخدامات البرنامج ولكن البوست ده حيعتبر اكتر عن كام Tips and tricks حلوه تخص ال OneNote
يعني مثلا من المزايا الأساسيه الكتير انه مجاني وبيديك مساحات كبيره مجانيه وتقدر تعمل اكونت بأي اميل انت عاوزه مش لازم هوتميل يعني … وانك تقدر تعمل اي عدد من السكاشن وتحتها البيدجز
بشكل سهل ومبسط يناسب التصميم والتخطيط اللي يريحك وطبعا تقدر تختار ألوان مميزه وتحط صور و أيقونات وتلعب زي ما انت عاوز (دي حاجات بسيطه حتلاقوا ناس كتير بتشرحها على اليوتيوب)
ال tips and tricks اللي عجبتني جدا في استخدام ال OneNote
الاختراع الاول بالنسبالي موضوع ال Sync
تقدر تنزله على الكومبيوتر والتليفون والتاب بتاعك عادي جدا … الاختراع بقي انه بيعمل ابديت بشكل اوتوماتيك –> اي تعديلات تعملها على كل اي جهاز حتسمع في كل الاجهزه بتاعتك بمجرد ما تفتحها ودي حاجه انا مشوفتهاش في كتير من التطبيقات بتاعت الكتابه على الكتب اثناء المذاكره ال Book annotation زي مثلا ال Xodo وهوه تطبيق رائع بس للاسف عشان تشتغل على نفس الكتاب من كذا جهاز لازم تكون رافع المصدر بتاعك على جوجل درايف مثلا انما هنا مش محتاج تعمل الموضوع ده هوه بيعمل أبديت اوتوماتيك على سيرفراتهم
ودي بعض افكار ممتازه لاستخدامات ال OneNote
** انا بستعمله ك calendar organizer
أو ك sticky note
او اي شكل تحبه وكمان الاختراع انك تقدر تستعمله ك book reader and annotation زي الصوره دي
وده معناه انك تقدر تستخدمه كتير في المذاكره وترتيب ورقك وكتبك في حته واحده … حنقول كل ده عادي – ماشي
الاختراع بقي انه كمان بيقرا Audio books اي كتاب انت رافعه عليه (على الرغم انه محولهم لصور) ودي تساعدك كتير في تحسين اللغه الانجليزيه بالذات للناس اللي حابه ده وحتة القراءه حتلاقيني عامل في الصوره اللي فاتت marker على الايقونة بتاعت قراءه الكتب (جامد جدي) دا حتي بيقرا الكتب العربي وعشان توصل لل audio book
From the menu choose View then immersive reader
** ال Microsoft Lens
ده App تاني ممتاز تقدر من خلاله تعمل Scan لاي مستند انت عاوزه زي ال Cam Scan كده … طب دا ايه علاقته ب ال OneNote
بص يا سيدي العلاقه وثيقه … نفس الاكونت بتاعك اللي على ون نوت تخش بيه على تطبيق ال lens ده فيخليك تعمل مشاركه للمستند اللي صورته علي ال ون نوت وتقدر تنظم اي عدد من المستندات اللي عملتلها اسكان في فولدرات بقي وتقدر كمان تكتب عليها واي لعب انت عاوزه وعيش وادعيلي
لينكات تنزيل ال OneNote