يعني ايه موضوع ال remote testing ده؟
المعهد اعلن على موقعه الرسمي انه بداية من ويندو يناير/فبراير 2022 وتحديدا بداية من يوم 18 يناير 2022 في اختياريين دلوقتي لاتمام اختبار ال CMA وكمان اختبار ال CSCA طبعا حنركز كلامنا كله بعد كده عن ال CMA اللي تخصنا … طب ايه الاختيارين؟
- انك تمتحن بشخصك في مركز من مراكز الاختبار التابعه ل Prometric وده الطبيعي او المعتاد
- ان في اختيار تاني جديد وهوه موضوع ال Remote test عن طريق نظام اسمه ال ProProctor (المراقبه عن بعد) وده اللي حنحاول نشرحه في البوست ده وايه المتطلبات التكنولوجيه وغيرها المطلوبه لاتمام امتحانك بطريقة ال remote testing
يعني كده في اختيارين مش معني الكلام ده ان اختبارات مراكز Prometric وقفت ولا حاجه … خالص … بأكد تاني انت من حقك تختار بين الاختيارين دول وكمان رسوم الامتحان ايا كان اختيارك هيا هيا ما فيش فرق بينهم في الرسوم نهائي
طب نقرا بقي اهم كلام للمعهد عن ال remote testing من على صفحة المعهد ونفهمه مع بعض عشان نلم بتفاصيل الموضوع
1- ايه هوه مفهوم نظام ال remote proctoring او نظام المراقبه عن بعد ده؟
دا نظام مراقبه عن بعد وليه متطلبات وليه شروط حنشرحها ان شاء الله في باقي البوست … النظام ده اللي عامله Prometric اللي متعاقد مع معهد ال IMA لتنظيم والرقابه على وتسهيل عمليات الامتحانات بتاعت الشهاده دي (وطبعا شهادات تانيه ومعاهد تانيه كتير)
وده لينك تاني على موقع بروميرتك عن موضوع ال remote testing وفيها فيديو قصير بيشرح الفكره بشكل كويس جدا
2- هل نظام ال remote testing متاح لكل دول العالم؟
وفقا لمعهد ال IMA النظام ده متاح لكل دول العالم ما عدا منطقة قريم الاوكرانيه وكوريا الشماليه وايران وسوريا وايضا كوبا
اما بخصوص الصين فهذا النظام متاح فقط لاختبار ال CMA باللغه الانجليزيه وليس الصينيه
وفي الحته دي المعهد حاطط تنويه مهم ان لو حتي في دولتك ومنطقتك مسموح ليك بالامتحان في اعتبارت تانيه لازم تاخدها في حسبانك وخليك فاهم ان الاعتبارت دي مسئوليتك عشان تقدر انك تتم عملية الاختبار بنجاح زي موضوع الاتصال بالانترنت باستمرار وبشكل مستقر وان السرعه تكون مناسبه وموضوع ال firewall واي متطلبات تكنولوجيه اخري وحنتكلم عنها بعدين لما تقابلني في الشرح
3- ما مدي توفر ال remote testing خلال اليوم والاسبوع؟
قالك الموضوع متاح 24 ساعه طوال ايام الاسبوع طالما ان توقيت الحجز واليوم متاح في مدينتك مش انك تخش في اي وقت وخلاص لان في حد بيراقبك وقت الامتحان زي ما حنشوف بعدين يعني برضه ضوابط اختيار الوقت واليوم كانك بتحجز لامتحان في test center بالظبط
4- ايه المتطلبات اللي المفروض تكون متوفره عشان نقدر نتم الاختبار عن طريق ال remote testing?
هنا عاملين ملف pdf فيه كل المتطلبات عباره عن 13 صفحه وده اللينك بتاعه مهم اوي كلنا نقرا كلمه كلمه ونفهمه كويس قبل ما نقرر نمتحن بطريقه ال remote test proctor دي
بس ححاول اقولكم اهم المتطلبات اللي محتاجين نكون جاهزين بيها
اولا: متطلبات بيئيه لبيئة الامتحان اللي حتوفرها لنفسك يعني من الاخر الاوضه اللي حتمتحن فيها
- لازم يكون مكان مقفول مش جنينه مثلا او على حمام سباحه وميكونش في دوشه وظيطه حواليك لازم يكون المكان هادي تماما
- مينفعش يكون في اي حد شخص او حيوان (مثلا قطه اوكلب وهكذا) معاك في الاوضه دي ولا ينفع حد يخش عليك اساسا ولو دا حصل خلال الامتحان حيلغيلك الامتحان او يلغي النتيجه بتاعتك علي حسب الحاله
- مش مسموح للمتحن انه يكون حواليه اقلام او ورق او اجهزه الكترونيه (غير ورق الحل المسموح بيع وحنتكلم عنه بعدين وعن الضوابط المرتبطه بيه) او اي محتوي ممكن يكون سبب في عدم عدالة عملية الامتحان (حتي الصور والساعه اللي على الحيطه غير مسموح بيها) يعني من الاخر محدش يفتكر انه حيحط تاب جنبه ويدور عليه او كتاب مثلا او كراسه فيها ملاحظات او اي حاجه من الحاجات دي وعلى فكره حيخليك توريله عن طريق الابليكشن اللي حتمتحن فيها الاوضه كلها ومكان المكتب او الترابيزه اللي حتمتحن عليها 360 درجه مش حيفوت حاجه عشان نبقي متفقين من الاول هههههه
- من حقك بس يكون جنبك منديلين ورق ولازم المراقب بتاعك يفحصهم قبل الامتحان عشان يطمن ان ما فيش اي حاجه مكتوبه عليهم
- واي متطلبات اخري متعارف عليها عن طريق المعهد يعني من الاخر اي حاجه تانيه كنت حتعملها في التست ستنر حتعملها في الاوضه اللي حتمتحن فيها يعني مثلا مينفعش تنزل ايدك تحت الديسك مينفعش تقوم من مكانك الحاجات العاديه بقي المتعارف عليها ومتنساش في مراقب قاعد شايفك طول الوقت عشان كده بيقولك لازم تحجز وقت ويوم للامتحان عشان يفضيلك مراقب يقعد يشوفك خلال فتره الامتحان
وده طبعا كله مفهوم انه عاوز عملية الاختبار تحصل بدون غش او تجاوز عشان توفيرا للعداله بين الناس اللي بتمتحن وعشان الشهاده متفقدش اهميتها نتيجة سهولة الحصول عليها بطرق غير مشروعه مثلا يعني
ثانيا: الاجراءات المطلوبه عن طريق ال virtual test center
- المستندات المطلوبه منك لحضور الامتحان تكون معاك يعني باسبور سفر دولي ساري او مستندين لاثبات الشخصيه واحد عليه صورتك وواحد عليه توقيعك (زي كريدت كارد مثلا) كل المستندات اللي انت عارفها واللي كنت حتاخدها معاك لمركز الامتحان هيا هيا (اللي مش عارف او مش متأكد يراجع المتلطبات من هاندبوك المعهد اللي موجود في صفحتهم وموجود على موقع افهم cma هنا او يتصل او يزور اقرب test center ليه عشان يتأكد) المهم المستندات دي تكون جاهزه معاك وقت امتحان ال remote test عشان حتعملها سكان يعني حتصورها على الابليكشن بتاع الامتحان قبل الامتحان والمراقب بتاعك حيقولك حيقبلها ولا لأ كانك في السنتر بالظبط
- زي ما وضحت قبل كده المراقب حيطلب منك انك توريله المكان اللي بتمتحن فيه بالكامل 360 درجه وحيكون شايف وسامع كل حاجه
- وكمان حيكون مطلوب منك انك تفضي جيوبك وتوريهم للمراقب وتوريله كمك ودرعاتك وريست ايدك ولو لابس نضاره حتقلعها وتوريهاله 360 درجه عشان يتاكد انها مش مرتبطه بأي جهاز تكنولوجي تاني زي سماعه وخلافه ولو اي مصوغات مثلا بالنسبه للبنات لابسينها لازم يقلعوها ويبعدوها عن غرفة الامتحان قبل الامتحان
- ولو شعرك طويل حتلمه لورا عشان دايما تكون ودانك باينه وان ما فيهاش سماعه مثلا ولا حاجه
- يُحظر تمامًا ترك عرض الكاميرا أثناء إجراء الاختبار ما لم ينص على خلاف ذلك.
ثالثا: المتطلبات التكنولوجيه
- محتاج كومبيوتر لابتوب او PC يكون متصل مباشرة بالتيار بالكهرباء طبعا مش عاوزك تشتغل على البطاريه عشان ميفصلش ومتشتغلش من docking station
- Screen resolution
Recommended resolution: 1920 x 1080
Minimum resolution required: 1024 x 768
Minimum recommended screen scaling: 100%
- نظام تشغل الجهاز
ويندوز 8.1 وما بعده
او ماك os 10.13 وما بعده
الآي باد والاندرويد تاب غير مدعومين حتي الان
وبالنسبه ل Microsoft Surface مدعوم فقط لل laptop mode
- الصوت
مطلوب سماعات ومايك ومسموح بسماعات الاذن السلكيه اللي فيها مايك اما السماعات البلوتوث غير مسموح بيها
- الانترنت
اقل سرعه مطلوبه 1.0 Mbps او اعلي
بالنسبه للاتصال عن طريق ال Wi-Fi
بيقولك خليك في مكان تكون الشبكه واصله ليك بشكل قوي
والافضل انك تكون متصل عن طريق كابل بالروتر مباشرة
واتاكد طبعا ان خلال وقت امتحانك محدش تاني بيستعمل النت عشان ميعملوش لود على الاتصال خلال فترة الامتحان وبيحذرك ان ده ممكن يقطع الكونكشن عليك
وممنوع طبعا استعمال ال VPNs او ال virtual machines
ومن ضمن هذه المتطلبات بيديك نصيحه في الاخر بيقولك عشان تسهل عليك عملية المراقبه الافضل انك تستعمل كومبيوتر مش ثابت في مكانه وكاميرا متحركه دي اسهل حاجه توفر عليك وقت ومجهود
وبيأكد تاني ان مسموحلك تستعمل laptop او desktop بشاشه واحده وغير مسموح نهائي بتعدد الشاشات اللي بيسموها dual-monitor
دي كلها كده المتطلبات الاساسيه وفي بقي خطوات وكده تعملها قبل الامتحان بس خلينا نرجع نجاوب بعض الاسئله تاني لحد ما تقابلنا نقطة الخطوات دي عامة حنعيد تاني في الاسئله المجابه تحت عن بعض الاجزاء المهمه في المتطلبات يعني بيسال على موقع المعهد وبيجاوب كالتالي برضه بخصوص الموضوع ده بيقول
5- هل يمكن استعمال ال tablet او ال smartphone لعملية الامتحان؟
والاجابه طبعا زي ما وضحنا مسبقا لا وذلك لان ال ProProctor platform غير متوافقه مع ال tablet او ال smartphones وطبعا الكلام ده لحد دلوقتي ولو حصل تعديل ان شاء الله ربنا يقدرني واعدلكم الكلام ده كمان
6- ما هي المتطلبات المرتبطه بموقع او مكان الاختبار؟
واللي سميناها قبل كده متطلبات بيئة الاختبار او ال testing environment
أولاً: مكان مغلق يعني يكون indoor ومش outdoor وتكون الاضاءه فيه جيده بمعني ان المكان يكون واضح ومرئي للمراقب على الكاميرا وباب الغرفه يكون مقفول وميكونش حواليك دوشه او ازعاج
ثانيا: مكان الدخول للغرفه (الباب يعني) يكون واضح للكاميرا
ثالثا: مكان الامتحان (المكتب مثلا) والمنطقه المحيطه بيه (الغرفه ما تشمله من ارضيات وحوائط) تكون خاليه من اي materials سواء صور او office supplies الادوات المتكبيه او الاجهزه الالكترونيه يعني من الاخر ديسك فاضي تماما تكون شغال عليه ومتعلقش اي حاجه على الحيطه عشان ميقولكش شيلها وتقعد تضيع وقتك
7- هل يمكن اني اعمل الامتحان في مكتبي على كومبيوتر الشغل بتاعي؟
لا مش حينفع تمتحن من مكان شغلك
8- طب هل ينفع امتحن من البيت على كومبيوتر الشغل بتاعي؟
بيقولك نصيحه بلاش لان معظم الشركات بتحط firewall على الاجهزه بتاعتها اللي ممكن تعطلك عن الدخول لمنصة الامتحان ولو مضطر تعمل كده ارجع للراجل ال IT بتاعك بوقت كاف قبل الامتحان عشان يتاكد من موضوع ال firewall واي مشاكل تقنيه اخري
9- هل يجب تفعيل معطل الاعلانات على البراوز بتاعي اللي هوه ال pop-up blocker?
بيقولك ضروري جدا انك تقفل معطل الاعلانات turn off web browser pop-up blocker عشان تقدر تخش على الامتحان وتديره بسهوله
10- ازاي اتاكد ان الكومبيوتر بتاعي يقابل متطلبات ال Prometric’s remote proctoring?
اللينك ده حاطين فيه check button تقدر تستعمله في اي وقت حتي من غير ما تسجل
11- ال security checks مذكوره برضه في الهاندبوك اللي شيرنا اللينك بتاعه قبل كده وعلى فكره الهاندبوك مهم جدا وفي صور كتيره بتوضح بيئة المكان اللي حتمتحن فيه والشاشه والكلام ده كله مهم جدا اننا نقراه ونستوعبه بالكامل
12- هل الوقت الخاص بال security check حياخد من وقت الامتحان؟
انت مطالب تدخل على الموقع ب 30 دقيقه قبل معاد الامتحان بتاعك المقرر قبل كده ومع ذلك الناس بتقولك في تاخير متوقع لاي سبب ما خلال عملية ال check وان اي وقت زياده حتستهلكه في ال check الاولاني مش حيحسبه من وقت الامتحان بتاعك وانك -حتاخد كامل وقت الامتحان مع ملاحظة انك لو اخدت راحه عداد وقت الامتحان حيفضل مستمر مش حيقف
13- معني كده اقدر اخد راحه في وقت الامتحان وكام مره وهل انا ملزم بالراحه دي ولا لأ ؟
من حقك راحه واحده فقط اختياريه لمدة 10 دقايق غير محددة الميعاد يعني في اي وقت انت تختاره بس قبل ما تاخد راحه لازم تقول للمراقب قبل ما تقوم من قدام الكاميرا طبعا لو مقولتلوش او طولت في البريك بتاعك عن الوقت المسموح لك بيه حيلغي الامتحان تماما ولما ترجع من الراحه طبيعي حيعملك security scan تاني قبل ما تكمل الامتحان كانك في ال test center بالظبط وطبعا كل الوقت ده من وقت امتحانك والساعه بتاعت الامتحان مش حتقف
ومتقدرش تاخد اكتر من بريك واحد خلال الامتحان
وطبعا زي ما قولت الراحه دي اختياريه وليست الزاميه يعني مش لازم تاخد بيرك خلال الامتحان عادي جدا انت حر
14- هل اقدر انزل الابليكشن في وقت قبل ما ابدا الامتحان؟
الاجابه yes
15- هل ينفع يكون جنبي كوباية ميه خلال الامتحان؟
قالك زي ال test center برضه بالظبط ممنوع منعا باتا الشرب او الاكل او التدخين او حتي مدغ اللبان / العلكه خلال وقت الامتحان
16- طب ممنوع اخلي الموبايل بتاعي جنبي اعمل ايه بقي لو النت قطع مثلا وكنت محتاج مساعده من المراقب بتاعي؟
قالك بتحط التليفون في غرفه تانيه تكون قريبه منك ولو النت قطع او فقدت الاتصال لاي سبب من الاسباب تروح تجيبه وتخش على اللينك ده وتختار “Contact Support,” وتتبع الخطوات بعدها
17- هل يمكن ان اقرا السؤال بصوت خفيض او مسموع خلال الامتحان؟
قالك ممنوع تماما القراءه بصوت خفيض “همس” او صوت مسموع سواء للاسئله او الاجابات طبعا واضح انه لاسباب امنيه هههه
18- ممكن استعمل ورق جانبي للحل scratch paper زي اللي في ال test center?
بيقولك من حقك تستعمل اربع ورقات فلوسكاب A4 بيض ولازم تخلي المراقب يشوف الورق كله ورقه ورقه وش وضهر عشان يتاكد ان ما فيش حاجه مكتوبه عليهم وفي نهاية الامتحان لازم توري الورق ده تاني للمراقب بتاعك وتقطعه قدامه (الكاميرا يعني) لقطع صغيره ودي طبعا هوه مش عاوز حد يكتب الاسئله ويوزعها ودي على فكره نفس اشتراطات ال test centers لما بتروح تمتحن عندهم بنفسك بس الفرق انك لازم تسيب الورق معاهم وهمه بيعدموه بمعرفتهم
19- ايه اللي يحصل لو الكهربا قطعت او النت فصل؟ وانا المفروض اعمل ايه؟
لو حصل ان الكهربا او النت قطع الامتحان طبيعي حيقف في الوقت ده … حيظهر شاشه صماء عليها حرف X اقفل بعدها الشاشه وافتح البروزر بتاعك تاني وحاول تعاود الاتصال بال test driver تاني لو نجحت الامتحان والوقت حيكمل من وقت ما وقفت قبل كده والوقت المتاح ليك لمعاودة الاتصال بحد اقصى 20 دقيقه ولو مقدرتش ترجع خلال الوقت ده الامتحان حيتغلي وحتضطر تعمل reschedule
اتصل ب ال prometric help center اول ما النت يرجع او استخدم سيب غرفة الامتحان عشان تستعمل التليفون بتاعك للاتصال بال help center بدون انترنت شوف ال “how to contact an agent”
وفي حالة تعدد الانقطاع ده معناه ان الاتصال بالانترنت مش مستقر من طرفك وبالتالي المعهد حيسمحلك انك تعيد المحاوله 3 مرات فقط (يعني حيسمحلك ب 3 انقطاعات فقط) اجمالي وقتهم كلهم يكون ال 20 دقيقه اللي قالوا عليهم قبل كده وبالتالي اي انقطاع اكتر من 3 مرات او 20 دقيقه حيلغي الامتحان ولو ده حصل من حقك انك تتصل ب Prometric بالشات عشان تبلغهم بالمشكله وبناءا على المراجعه والكونفيرمشن بتاعتهم احتمال يسمحولك بفرصه تانيه للتعويض (اكيد دا لو اقتنعوا ان المشكله فنيه وبره ايدك ازاي بقي معرفش دا اكيد شغلهم وهمه عارفين وفاهمين الدنيا بتمشي ازاي) المهم ان الفرصه التانيه دي حتكون في test center من بتوع بروميترك ومش حينفع تعمل ال test remotely دا تاني
تاني اللينكات المرتبطه بالقصه كلها من اولها لاخرها متجمعه في حته واحده:
لينك موقع معهد ال IMA الرئيسيه
لينك صفحة ال remote testing على موقع معهد ال IMA
لينك صحفة ال remote testing على موقع Prometric
لينك الهاندبوك الخاص بال remote testing