لو كنت حصلت على الشهاده الف مبروك خلصت بارت ومستني تخش في البارت التاني برضه الف مبروك وربنا يوفقك بس الموضوع مش موضوع شهاده وخلاص حتتقاس في سوق العمل بالمعلومه اللي عندك احنا عايشين في عصر العلم والمعلومات والنهارده الدنيا بقت اسهل كتير من زمان في إنتشار العلم والمعلومات … المهم أكيد انت كمان عاوز تحافظ على المعلومه اللي عندك وكمان تكون متابع التطور اللي بيحصل على المعلومه دي عشان تبقي updated زي مثلا التغيرات اللي بتحصل في المعايير وتأثيرها على مجال عملك وشركتك
نصيحه للاخوه اللي خلصوا الامتحان او حصلوا كمان على الشهاده … ساعد الناس اللي بتدرس دلوقتي على قد ما تقدر … بأي إمكانيات … وفي أي وقت وفي أي مكان او موقع او صفحه او جروب يكون مناسب ليك .. يعني مثلا لما تلاقي سؤال ايا كانت طبيعته سواء اداري او في المحاسبه نفسها ، حاول ترد عليه علشان الموضوع ده :
1- حيثبت معلوماتك
2- حيخليك معانا في اللوب بتاع التطورات اللي بتحصل ، يعني لو بعدت مش حتعرف التطورات والتغيرات الجديده اللي بتحصل ، انما طول ما انت حاطط دماغك وايدك في الموضوع حتبقى aware بالتعديلات وفاهم موقعها فين وتأثيراتها أيه
النقطتين دول مهمين اوي كإستمراريه في التعلم
وطبعا مرحبا بأي افكار جديده من حضراتكم وخصوصا ان عندكم من الخبره في المذاكره والامتحان النهارده ما يؤهلكم ان تقولوا كنتوا محتاجين ايه ومكانش موجود؟ مثلا او لو حصل كذا بالشكل الفلاني الفايده حتبقى احسن وهكذا –> فيدوا واستفادوا